സിന്ദൂരം

ഒരുപാടു നാളായി ഞാൻ ആഗ്രഹിക്കുന്നു
ആ മണ്‍ ചെപ്പൊന്നു തുറന്നു കാണാൻ
എന്തൊക്കെയാണോ അതിനുള്ളിലിരിപ്പതു
എൻ ആകാംക്ഷ വളര്ന്നുവേ വാനോളം
ഒരുനാൾ ഞാൻ അതിൽ കൈവച്ചു ;എന്നാൽ
'എന്തിതെന്ന' ശബ്ദം കേട്ടു ഞാൻ ഞെട്ടി  
നില്പതെൻ മുൻപിൽ അമ്മ താൻ ക്രുദ്ധയായ്
എൻ കണ്ണു നിറഞ്ഞു , കണ്ഠം ഇടറി
പിന്നിടൊരിക്കലും തൊട്ടില്ല ഞാൻ അതിൽ
എങ്കിലും ഒരു നാൾ  അറിഞ്ഞു, അതെൻ
അമ്മ തൻ കൊഴിഞ്ഞ ജീവിതത്തിൻ
ബാക്കി പത്രമാം സിന്ദൂരമത്രേ !!